Ein Pobl

Wyn Trefor Jones - Partner

Daw Wyn yn wreiddiol o Borthmadog ond bellach mae'n byw ym Mhwllheli.

Wyn yw'r uwch bartner yn y cwmni ac mae ganddo dros 30 mlynedd o brofiad.

Mae Wyn yn arbenigo mewn materion llys, trawsgludo eiddo preswyl /masnachol a materion priodasol. Mae Wyn hefyd yn derbyn gwaith troseddol a ariennir yn breifat a gwaith cleientiaid preifat.

Enillodd Wyn ei radd yn y Gyfraith ym Mhrifysgol Aberystwyth ac astudiodd y Cwrs Ymarfer y Gyfraith yng Ngholeg y Gyfraith, Gaer. Dechreuodd ei gytundeb hyfforddi gyda'r cwmni, cyn dod yn bartner yn 1996.

Mae diddordebau Wyn yn cynnwys seiclo a rygbi. Yn ddiweddar cymerodd Wyn ran mewn digwyddiad elusennol yn seiclo o Gaerdydd i Gaeredin. Mae hefyd yn gyn-gapten tîm Rygbi Caernarfon.

lndeg Wyn - Partner

Daw lndeg o Bwllheli, ac mae'n gyfreithiwr profiadol, ar ôl bod yn bartner yn y cwmni am 13 mlynedd.

Enillodd lndeg ei Gradd yn y Gyfraith yn Ysgol Economeg Llundain (LSE), cyn astudio'r Cwrs Ymarfer y Gyfraith gyda BPP Law yn Lludain. Cafodd lndeg gytundeb hyfforddi yn y cwmni cyn dod yn Bartner yn 2010.

Mae lndeg yn arbenigo mewn Eiddo Preswyl/Masnachol ac mae'n delio â phob agwedd ar waith Cleient Preifat.

Mae diddordebau lndeg yn cynnwys dringo creigiau a chadw'n heini. Mae hi yn gwirfoddoli ei hamser hefyd gyda phrosiectau cymunedol.

Siôn Wyn Blake - Partner

Un o Gwmllinau ger Machynlleth yw Siôn yn wreiddiol. Enillodd ei Radd yn y Gyfraith ym Mhrifysgol Aberystwyth cyn mynd ymlaen i astudio'r Cwrs Ymarfer y Gyfraith. Yn dilyn hynny, cafodd gytundeb hyfforddi yn y cwmni yn 2010 cyn dod yn Bartner yn 2016.

Mae Siôn yn arbenigo mewn gwaith Eiddo Preswyl/Masnachol, Prydlesi, Ewyllysiau, Profiant, Atwrneiaeth Arhosol, Materion Priodasol a gwaith Cymdeithasau Tai.

Yn ei amser hamdden, mae Siôn yn mwynhau chwarae golff.

Beth Morgan - Partner

Mae Beth yn un o'r ardal. Cafodd ei haddysg yn Ysgol Syr Hugh Owen Caernarfon cyn mynd ymlaen i astudio'r Gyfraith ym Mhrifysgol Caerdydd a chwblhau'r Cwrs Ymarfer y Gyfraith yng Nghaer. Wedi hynny cafodd Beth gytundeb hyfforddi yn y cwmni yn 2011, cyn dod yn Bartner yn 2016.

Mae Beth yn arbenigo mewn Trawsgludo Eiddo Preswyl/Masnachol, Prydlesi, ac yn ymdrin â phob agwedd ar waith Cleient Preifat gan gynnwys Atwrneiaeth Arhosol, Ceisiadau i'r Llys Gwarchod, Ewyllysiau a Phrofiant.

Mae gan Beth dri mab ifanc sy’n ei chadw’n brysur yn ei hamser hamdden.

Lowri Ceiriog - Cyfreithiwr Cyswllt

Mae Lowri wedi ei magu a'i haddysgu yn yr ardal. Cafodd Radd Anrhydedd ar y cyd ym Mhrifysgol Caerdydd yn astudio'r Gyfraith a'r Gymraeg. Aeth ymlaen wedyn i astudio'r Cwrs Ymarfer y Gyfraith yng Nghaer cyn dod yn baragyfreithiwr yn y cwmni yn 2017. Wedi hynny cafodd Lowri gytundeb hyfforddi yn y cwmni gan gymhwyso fel cyfreithiwr llawn yn 2020. Daeth Lowri yn Gyfreithiwr Cyswllt yn fuan wedi hynny.

Mae Lowri yn arbenigo mewn Trawsgludo Eiddo Preswyl/Masnachol, Ewyllysiau, Profiant, Atwrneiaeth Arhosol. Mae hefyd yn derbyn cyfarwyddiadau mewn materion Adennill Dyledion, Landlord a Thenant, ac Anafiadau Personol.

Mae diddordebau Lowri yn cynnwys cadw'n heini a phobi.

Owain Roberts - Paragyfreithiwr

Daw Owain o Lanrwst. Enillodd Radd yn y Gyfraith ym Mhrifysgol Bangor yn 2015, ac wedyn Gradd Meistr mewn Eiddo Deallusol yn 2016. Daeth Owain yn deipydd yn y cwmni yn 2019 cyn sicrhau swydd fel Paragyfreithiwr yn 2021.

Mae Owain yn cynorthwyo enillwyr ffioedd wrth ddelio â gwahanol agweddau ar y gyfraith.

Mae diddordebau Owain yn cynnwys gwylio pêl-droed ac mae'n gefnogwr brwd o Ddinas Abertawe. Mae Owain hefyd yn mwynhau gwylio ei nai yn chwarae criced.

Mali Davies-Hughes - Cyfreithiwr Cynorthwyol

Mae Mali yn hanu o’r ardal. Roedd yn ddisgybl yn Ysgol Syr Hugh Owen ac aeth yn ei blaen i ennill gradd yn y gyfraith o Brifysgol John Moores Lerpwl cyn dilyn cwrs Ymarfer y Gyfraith yng Nghaer.

Mae Mali yn gyfreithiwr cymwysedig ac yn delio â phob agwedd ar gyfraith teulu preifat gan gynnwys ysgaru a gwahanu, materion ariannol sy'n deilio o chwalu perthynas, a materion plant.

Yn ei hamser hamdden, mae Mali yn mwynhau rhedeg, cadw'n heini, ac yn aml bydd yn canu'n gystadleuol mewn eisteddfodau. Enillodd Mali wobr Aled Lloyd Davies yn yr Eisteddfod Genedlaethol yn 2019 a chafodd ei hurddo yn ddiweddar i Orsedd y Beirdd.

Aled R. Parkinson - Cyfreithiwr dan hyffroddiant

Mae Aled yn lleol i’r ardal. Enillodd Radd yn Gyfraith ym Mhrifysgol Bangor yn 2020. Aeth Aled ymlaen i astudio’r Cwrs Ymarfer Cyfreithiol gyda gradd meistr ym Mhrifysgol y Gyfraith a chwblhaodd ei astudiaethau yn 2021.

Daeth Aled yn deipydd yn y cwmni ym mis Awst 2021 cyn sicrhau ei Gytundeb Hyfforddiant ym mis Chwefror 2024.

Yn ei amser hamdden mae Aled yn mwynhau cadw'n heini drwy redeg a mynd ar deithiau cerdded hir.